У суботу, 19 кастрычніка, ва Уроцлаве — новая сустрэча «Мовы нанова».
Дата: 19 кастрычніка
Час: 17.00 (час мясцовы)
Месца: Instytut Historyczny Uniwersytetu Wrocławskiego, Szewska, 49 (3 паверх), Уроцлаў
Шаноўная госця — Кацярына Ваданосава.
На лекцыі спадарыні Кацярыны «Мода эпохі паўстання Кастуся Каліноўскага» ўзгадаеце, як выглядалі нашыя продкі, для якіх воля і радзіма былі даражэйшымі за жыццё.
Лекцыя будзе прысвечаная эпосе, калі мужчыны мянялі выкшталцоныя бальныя пальчаткі на грубыя рукавіцы, а замест кашаміравых сурдутаў ішлі змагацца за свабоду свайго краю ў брунатных сялянскіх кажухах.
Даведаецеся, як жанчыны прыстасоўвалі крыналіны для перавозкі зброі, а некаторыя з іх апраналіся ў мужчынскія строі, абразалі валасы ды ішлі ваяваць; як нават пяцігадовыя дзяўчынкі апраналіся ў глухія чорныя сукенкі ды запляталі ў коскі чорныя стужкі.
Уваход вольны. Рэгістрацыі не патрэбна.
