Літаратура Мінск

“Мой Картаген” у кнігарні логвінаЎ

Пачатак: 07.07 (19:00)
Канец: 07.07 (21:00)
кнігарня "логвінаЎ"

(Мінск, пр. Незалежнасці, 37а)

У аўторак, 7 ліпеня, у кнігарні “логвінаЎ” (Незалежнасцi 37а) а 19-й гадзіне адбудзецца прэзентацыя кнігі эсэістыкі Сяргея Абламейкі “Мой Картаген”. Кніга выйшла ў “Бібліятэцы Свабоды ХХІ стагодзьдзе”. У прэзентацыі бяруць удзел Уладзімер Арлоў, Аляксандар Лукашук, Вінцук Вячорка, Ірына Дубянецкая. Тэмы дыскусіі: беларуская ідэя, “русский мир”, смерць архітэктуры як мастацтва.

Крыху пра кнігу. “Мой Картаген” складаюць аўтарскія эсэ пра актуальныя праблемы нацыянальнай культуры, літаратуры і сучаснай грамадскай думкі. Асобныя раздзелы прысвечаны ўзаемадзеянню бела-рускай і расейскай культураў, г. зв. «русскому миру», а таксама асэнсаванню цяперашняга стану архітэктуры і гістарычнай спадчыны Менску.