Музычна-тэатральная містэрыя «Раёк» ад этна-гурта VURAJ

Палац культуры прафсаюзаў  (Незалежнасці, 25, ст.м.Кастрычніцкая).

22 кастрычніка, 19.00

Музычны Дом “Класіка” і этна-гурт ВУРАЙ прадстаўляюць Музычна-тэатральную містэрыю “РАЁК” з нагоды выхада аднайманнага альбома.

Этна-гурт “Вурай” вылучаецца тым, што ўсе ўдзельнікі гурта – прафесійныя акадэмічныя музыкі, заўважаныя ў іншых класічных акадэмічных праектах, але ў саставе этна-калектыва “Вурай” музыкі працуюць з беларускім аўтэнтычным народным матэрыялам, на аснове якога робіць абсалютна ўнікальны музычны прадукт. Гурт не спявае песень мінулага, спявае сваё, але стылістычна, вобразна, метафарычна і па гучанні гэта нагадвае этнічныя песні нашых продкаў. Музыка гучыць на памежжы фолька, неарока, акадэмічнага неакласічнага джаза і псіхадэлікі.

Гурт складаецца з жывых акустычных інструментаў: скрыпка, флейта, кантрабас, гітара, барабаны, гармонь, свірэлі, дудкі і вакал.

Музычна-тэатральная містэрыя прысвечана  па сутнасці асэнсаванню і раскрыццю вобраза Райка – містычнага персанажа беларусаў, што абярагае здароўе гаспадароў, прыносіць шчасце ў дом і захоўвае сям’ю, тых, хто верыць, што Раёк дапаможа.  Жывы гук, Жывая музыка, жывое дзеянне на вашых вачах.

Інфалінія: (029) 2-366-166