Клуб інтэлектуальнага адпачынку «Факультатыў» ладзіць лекцыю «Нараджэнне беларускага музея: з гісторыі прыватнага збіральніцтва на Беларусі ў ХVІ — пачатку ХХ стст.».
Дата: 26 студзеня
Час: 19.00
Месца: Арт-Фабрыка, вул. Свярдлова, 2, Мінск
На беларускiх землях у XVI-XX стст. iснавала шмат разнастайных калекцый, важных для культурнага i навуковага жыцця рэгiёна. А што мы ведаем пра гэтыя калекцыі і іх збіральнікаў? Хто яны? Што збіралі? Працы якіх беларускіх і еўрапеўскіх мастакоў мелі ў калекцыях? Як склаўся лёс іх збораў? Як з часам мяняліся склад, сэнс і значэнне калекцый?
Лекцыя прысвечана станаўленню калекцыянерскай дзейнасці на беларускіх землях, пачынаючы ад з’яўлення першых збораў у эпоху Сярэднявечча да ўзнікнення першых публічных музеяў.
Лектар — Аляксандр Гужалоўскі, беларускі гісторык, педагог, музеёлаг, доктар гістарычных навук, прафесар кафедры этналогіі, музеялогіі і гісторыі мастацтваў БДУ.
