У сераду, 20 верасня, з сольнай праграмай «Песні Белавежскай вёсачкі Залессе» ў Вільню завітае Настасся Хмель, этнаспявачка, мультыінструменталістка, вакальная трэнерка, удзельніца гурта KRIWI.
Дата: 20 верасня
Час: 19.00 (час мясцовы)
Месца: CreateCulture Space, Karmelitų gatvė 5, Вільня
Спадарыня Настасся грае ў накірунку ethno-fusion, дадаючы арыгінальнай мелодыі народных песень актуальнае асэнсаванне і акампанемент розных інструментаў з дапамогай лайв-лупінгу.
Перад вымушанай эміграцыяй у Польшчу (Кракаў), спявачка 7 год жыла у маленькай вёсачцы Залессе, схаванай сярод гушчароў Белавежскай Пушчы, з усіх бакоў аточанай балотам Дзікое, адным з найвялікшых і найстарэйшых ў Беларусі.
Мясцовыя жыхаркі Баба Валя (Валянціна Парфёнаўна Сіплівая 1929г.н.) і Баба Маня (Марыя Лук’янаўна Сіплівая 1937 г.н.), з якімі спадарыня Настасся амаль параднілася за годы сумеснага суседскага жыцця, дзяліліся з ёй сапраўднымі скарбамі — успамінамі пра мінулае і песнямі, якім навучыліся ад сваіх бацькоў і бабуль.
Прыходзьце ж паслухаць песні з Белавежскіх гушчароў, паспяваць разам, занурыцца ў касмічную атмасферу беларускага фальклору. ⠀
Уваход — free donation.
