У суботу, 30 снежня, беларусікаў Кракава клічуць на навагодні лялечны спектаклік «Казачны домік».
Дата: 30 снежня
Час: з 11.00 да 12.00 (час мясцовы)
Месца: Krakowska 19, Кракаў
На Калядах усе месцы на гэты спектакль разабралі за тыдзень — і дзеці засталіся ў поўным захапленні. Каб яшчэ больш дзетак змаглі паўдзельнічаць і атрымаць мора эмоцый у святочны перыяд, правядуць дадатковы паказ!
Падчас спектакля вашых дзетак чакаюць Зайка-трусішка, касалапы Мішка, смелы Пеўнік, хітрая круцілька Ліса і дурны Воўк!
Разам з героямі будзем весяліцца, спяваць, танчыць, дапамагаць героям спраўляцца з цяжкасцямі і нават спячом самага сапраўднага калабка!
Рэкамендаваны ўзрост: ад 3 да 9 гадоў
Кошт — 30 злотых (квіток набываецца толькі на дзіця).
Просяць таксама ўзяць зручны зменны абутак для маленькіх гледачоў і глядачак.
Запісвайцеся праз дырэкт тэатра «Леў і Птушка». Месцаў абмежавана.
