Навукова-практычная канферэнцыя “Максім Багдановіч: дыялог з часам”

Літаратурны музей Максіма Багдановіча (вул. Багдановіча 7а) Бясплатнае

Міністэрства культуры Рэспублікі Беларусь Літаратурны музей Максіма Багдановіча запрашаюць прыняць удзел у Міжнароднай навукова-практычнай канферэнцыі “Максім Багдановіч: дыялог з часам” (асоба пісьменніка і яго творчасць у сусветным дыскурсе ХХ – ХХІ стст.), прысвечанай 125-годдзю з дня нараджэння М. Багдановіча

Дата правядзення канферэнцыі: 24 лістапада 2016 года.

Месца правядзення: Літаратурны музей Максіма Багдановіча (г. Мінск, вул. М. Багдановіча, 7 а).

Да ўдзелу ў канферэнцыі запрашаюцца літаратуразнаўцы, мовазнаўцы, музейныя спецыялісты, культуролагі, гісторыкі, мастацтвазнаўцы, сфера навуковых інтарэсаў якіх звязана з вывучэннем і інтэрпрэтацыяй розных аспектаў жыцця і творчасці Максіма Багдановіча.

Праблематыка канферэнцыі:

− феномен Максіма Багдановіча ў нацыянальным і сусветным кантэксце;

– творчая спадчына М. Багдановіча і літаратурны працэс ХХ–XXI стст. (паэзія, проза, крытыка, публіцыстыка);

– мова твораў Максіма Багдановіча і сучасная моўная прастора: традыцыі, дыялог, канфлікт;

– міжкультурная камунікацыя: роля М. Багдановіча ў галіне перакладу; праблемы перакладу твораў М.Багдановіча;

− найноўшыя тэатральныя, музычныя і мастацкія інтэрпрэтацыі твораў М. Багдановіча;

– музеі Максіма Багдановіча: культурна-гістарычныя традыцыі, стратэгіі дзейнасці, інавацыі.

Формы ўдзелу ў канферэнцыі:

– даклад – да 10 хвілін;

– паведамленне – да 5 хвілін.

Рабочыя мовы канферэнцыі – беларуская, руская, украінская.

Просім паведаміць аб удзеле ў канферэнцыі да 10 лістапада 2016 года.

Праграма канферэнцыі будзе складзена шляхам экспертнага адбору. Крытэрыі для адбору: адпаведнасць тэматыцы канферэнцыі, навуковая і практычная значнасць, навізна. У выпадку ўключэння даклада ў праграму канферэнцыі аўтару будзе даслана персанальнае запрашэнне. Таксама просім указаць аўдыёвізуальныя сродкі, неабходныя для выступлення.

Праезд, пражыванне за кошт накіроўваючага боку.

Па заканчэнні канферэнцыі плануецца выданне зборніка дакладаў. Навукова-метадычны савет пакідае за сабой права адбору матэрыялаў да выдання. Патрабаванні да афармлення тэксту даклада: да 5 старонак камп’ютэрнага набору (шрыфт Times New Roman, памер 14, інтэрвал 1,0) у электронным варыянце і раздрукаваным выглядзе.

Першы радок справа – ініцыялы і прозвішча аўтара, у дужках – назва горада. Наступны радок – назва даклада. Праз інтэрвал друкуецца тэкст са стандартнымі адступленнямі. Спасылкі даюцца ў тэксце ў квадратных дужках. Першая лічба – нумар са спіса літаратуры, наступныя лічбы – старонкі: . Спіс літаратуры даецца пасля асноўнага тэксту ў алфавітным парадку. Пасля тэксту даклада падаюцца звесткі пра аўтара (прозвішча і імя, імя па бацьку, навуковая ступень, вучонае званне, месца працы, горад, краіна).

Заяўкі з пазнакай “Канферэнцыя” дасылаць на адрас:

Рэспубліка Беларусь, 220029, г. Мінск, вул. М.Багдановіча, 7а

maksimbagdanovich@gmail.com

 

Каардынатар канферэнцыі

Запартыка Марына Міхайлаўна

+ 375 (17) 334 07 61


Вам можа быць цікава

:B:N: у Вільні

24.05.2025 (19:00 - 21:00) «Alaus Namai» (A. Goštauto, g. 8)

Спектакль «Зэкамерон» у Цюрыху

31.05.2025 (17:00 - 19:00) Theater Stok Zürich (Hirschengraben 42)

Спектакль «Зэкамерон» у Варшаве

05.06.2025 19:00 - 06.06.2025 21:00 Scena Przodownik (Olesińska 21)

Апошняе
на Budzma.org

чытаць яшчэ