21 траўня літаратурны музей Петруся Броўкі ладзіць акцыю «Ноч музеяў» і запрашае далучыцца да культуры бітнікаў на імпрэзе «Калісьці ты быў бітнікам».
Дата: 21 траўня
Час: з 18.00 да 23.30
Месца: літаратурны музей Петруся Броўкі, вул. К. Маркса, 30, кв. 4, Мінск
Адкручваем машыну часу на наступны настрой: 1950–1970-я гады, біт-паэзія, джаз і бугі-вугі, туфлі на маннай кашы, дзеці сонца, боб на галаве, казліныя бародкі і вытанчаныя вусы...
Стылягі, бітнікі, хіпі — субкультуры, якія змянілі савецкую творчасць і моладзь. Ім музей і прысвячае гэты вечар! Абірайце характэрны лук адной з гэтых субкультур і далучайцеся да незабыўнага касцюміраванага вечара.
Праграма:
18:00 — лекцыя культуролага Паліны Долі «Кароткая гісторыя бітнікаў у чатырох „б“ і адным забойстве»;
18:45 — прэзентацыя работ Руслана Чатырко «Neural History Majho Kraju»;
19:00 — інтэрактыўная праграма «Цырульная майстэрня «Вяночак свету»;
20:45 — майстар-клас па ліндзі-хопу ад школы танцаў «Качели»;
22:00 — кватэрнік у несавецкім стылі.
А таксама:
Выстава «(Не) у цені бацькі», прысвечаная Юрыю Броўку.
Рэлакс-тэрапія з расфарбоўкай мандал і пляценнем фенечак.
Інтэрактыўная праграма «Tarot Power» (варажба на картах Таро).
Майстар-клас па завязванні гальштукаў «Пажар у джунглях».
Настолка «Кінуць брэк па Бродзе». Настолка «Нофелет».
Уваходны квіток — 5 рублёў.
