Лідскі гісторыка-мастацкі музей адзначае Ноч музеяў ажно тры дні і запрашае вас на імпрэзы ў Лідскім замку, доме Валянціна Таўлая і ва ўласна гісторыка-мастацкім музеі.
Лідскі гісторыка-мастацкі музей
Калідоры, холы і залы музея ператворацца ў інтэрактыўную прастору, напоўненую магічным агнём. 20 траўня тут адбудуцца перформансы, майстар-класы і інтэрактыўныя фотазоны. Будзе таксама канцэрт, інтэлектуальная гульня «Музееманія» і тэатр ценяў, а для дзетак — шоў мыльных бурбалак і неонавая вечарына.
Дата: 20 траўня
Час: 18.00–24.00
Месца: Лідскі гісторыка-мастацкі музей, вул. Перамогі, 37а, Ліда
Кошт: дарослыя — 12 рублёў; студэнты — 10 рублёў; дзеці — 6 рублёў.
Лідскі замак
У Лідскім замку 21 траўня ладзяць праграму «Жывая гісторыя» ад клубаў гістарычнай рэканструкцыі «Шатландскі клан МакВітан» і «Веруш», а таксама канцэрт сярэднявечнай групы «Скудрынка». А напрыканцы ночы будзе фаер-шоў.
Дата: 21 траўня
Час: з 18.00
Месца: Лідскі замак, вул. Замкавая, Ліда
Кошт: дарослыя — 15 рублёў; студэнты — 12 рублёў; дзеці — 9 рублёў.
Дом Валянціна Таўлая
У доме Валянціна Таўлая 22 траўня адбудзецца літаратурна-музычная імпрэза. Падчас мерапрыемства можна будзе сустрэцца з творчымі людзьмі Лідчыны ў літаратурна-музычнай гасцёўні «Святліца». Будзе таксама арт-праграма «Балкон» з удзелам пісьменнікаў і музыкаў.
Дата: 22 траўня
Час: з 18.00
Месца: Дом Валянціна Таўлая, вул. Замкавая, 77, Ліда
Кошт: дарослыя — 2 рублі; студэнты — 1,5 рублі; дзеці — 1 рубель.
Наведаць усе імпрэзы можна па комплексным квітку: дарослы — 23 рублі, студэнцкі — 18 рублёў, дзіцячы — 12 рублёў.
