12 сакавіка Нацыянальны мастацкі музей запрашае на лекцыю «Паўночныя падарожжы Вітольда Бялыніцкага-Бірулі».
Дата: 12 сакавіка
Час: 17.00
Месца: выставачны корпус Мастацкага музея, вул. К. Маркса, 24, Мінск
Выбітны беларускі пейзажыст Вітольд Бялыніцкі-Біруля ў пачатку 1930-х гадоў мяняе звыклы лад жыцця. Ён пачынае падарожнічаць: поўдзень Расіі, Украіна, Каўказ, Кольскі паўвостраў, Архангельск.
Якія прычыны заахвоцілі мастака столькі падарожнічаць? Чаму ён выбіраў менавіта гэтыя месцы для паездак? Якую «любоў» ён знайшоў у іх?
Пра гэта вы даведаецеся ў суботу на лекцыі Юліі Лісай, вядучай навуковай супрацоўніцы аддзела замежнага мастацтва Мастацкага музея.
Кошт наведвання Выставачнага корпуса музея з лекцыяй — 8 рублёў, для трымальнікаў карты госця НММ — 2 рублі.
Рэгістрацыя па спасылцы.
