Падвядзенне вынікаў конкурсу “У словах-вобразах, у песнях вольнаплынных…”
Пачатак: 12.02 (10:00)Канец: 12.02 (10:00)
Музей Якуба Коласа
Урачыстае падвядзенне вынікаў конкурсу
“У словах-вобразах, у песнях вольнаплынных…”,
прымеркаванага да 100-годдзя першага выдання паэмы Якуба Коласа
“Сымон-музыка” і 95-годдзя паэмы “Новая зямля”
12 лютага ў 10.00 у Дзяржаўным літаратурна-мемарыяльным музеі Якуба Коласа адбудзецца ўрачыстая цырымонія падвядзення вынікаў конкурсу творчых работ
“У словах-вобразах, у песнях вольнаплынных…”.
Конкурс праходзіў з 29 лістапада па 29 снежня 2018 года. Удзел прынялі дзеці ва ўзросце ад васьмі да васямнаццаці гадоў. На адрас музея прыйшло каля дзвюх тысяч работ з усіх рэгіёнаў Беларусі.
Работы ацэньваліся ў пяці асноўных намінацыях:
– выяўленчае мастацтва;
– дэкаратыўна-прыкладное мастацтва;
– літаратура (паэзія і проза);
– фотамастацтва;
– музычнае мастацтва.
У намінацыі “Выяўленчае мастацтва” былі прадстаўлены пейзажныя малюнкі, партрэты Якуба Коласа і ілюстрацыі да паэм “Сымон-музыка” і “Новая зямля”. Удзельнікі намінацыі “Дэкаратыўна-прыкладное мастацтва” здзіўлялі арганізатараў і журы паштоўкамі, пано, вышыванкамі, лялькамі, выцінанкамі, вырабамі з керамікі, салёнага цеста, пластыліну. У работах увасоблена асабістае бачанне спадчыны Якуба Коласа і ролі народнага Песняра ў беларускай гісторыі.
Творы літаратурнай намінацыі былі прадстаўлены ў розных жанрах: казка, эсэ, замалёўка, літаратурная крытыка, сачыненне. Удзельнікі конкурсу разважаюць пра значэнне творчасці Якуба Коласа ў беларускай літаратуры, дзеляцца сваімі ўражаннямі ад прачытаных твораў класіка.
У якасці журы конкурсу выступалі вядомыя беларускія паэты, празаікі, мастакі, скульптары і дзеячы культуры.
На ўрачыстай цырымоніі ўзнагароджання члены журы павіншуюць пераможцаў, уручаць дыпломы і памятныя падарункі.
Шчыра запрашаем!
Адрас музея: г. Мінск, вул. Акадэмічная, 5.
Тэл. для даведак: 284-15-84, 284-17-02
Афіцыйны сайт: www.yakubkolas.by
E-mail: myzeykolas@yandex.ru.
Мы ў сацсетках:
ВК: vk.com/yakubkolasby.
Instagram: @kolasmuseum.
