ПАДЗЕЯ ДНЯ Анлайн-дыскусія «Беларускі парадак дня ў кантэксце вайны ва Украіне»

Пачатак: 10.03 (14:00)
Канец: 10.03 (15:30)
анлайн

10 сакавіка ініцыятыва «Беларуская адукацыя на шляху да зменаў» ладзіць экспертную дыскусію, каб вызначыць выклікі Беларусі ва ўмовах вайны ва Украіне.

Дата: 10 сакавіка

Час: 14.00 (час мінскі)

Месца: анлайн

Вайна ва Украіне змяніла карціну свету і прымушае задумацца аб тым, якое месца займае Беларусь у гэтым парадку дня. Што сёння можна запазычыць з нашага шматгадовага досведу супрацьстаяння рэжыму Лукашэнкі і «мірнай» акупацыі апошніх гадоў? 

Як інтэлектуальная супольнасць можа і павінна адказваць на выклікі глабальнага гуманітарнага крызісу ў кантэксце Беларусі-2022? Як вызначаецца сутнасць падзей? Як беларусы бачаць сваю ролю ў мірным урэгуляванні? Ці павінна ўключацца «беларускае пытанне» ў парадак дня ваенных перамоваў?

У абмеркаванні возьмуць удзел:

Андрэй Ягораў, палітолаг, Цэнтр еўрапейскай трансфармацыі, Беларусь;

Зміцер Крук, эканаміст, Цэнтр BEROC (Кіеў), Банк ідэй, Беларусь;

Павел Усаў, палітолаг і аналітык, доктар палітычных навук, Беларусь;

Вольга Шпарага, філосафка, Офіс па адукацыі для Новай Беларусі, Wissenschaftskolleg zu Berlin;

Таццяна Шчытцова, філосаф, прадстаўніца Святланы Ціханоўскай па пытаннях адукацыі і навукі, Еўрапейскі гуманітарны ўніверсітэт.

Мадэратарка — Святлана Мацкевіч, эксперт у галіне адукацыі, Беларусь

Далучайцеся па спасылцы ў zoom  альбо глядзіце трансляцыю на YouTube.