Беларускі Моладзевы Хаб у Варшаве запрашае на кінапрагляд 25 лютага. Прапануюць глядзець беларускую стужку «Акупацыя. Містэрыі» рэжысёра Андрэя Кудзіненкі. Кошт прагляду — 1 злоты.
Дата: 25 лютага
Час: 19.00 (час мясцовы)
Месца: Беларускі Моладзевы Хаб, plac Konstytucji 6, Варшава
Дзеянне фільма адбываецца ў 1942 годзе і складаецца з трох навэл:
Містэрыя першая. «Адам і Ева»
Вясковы хлопец Адам (Аляксандар Малчанаў), які йшоў у партызаны, застаецца на хутары ў абдымках каханай. Ён трапляе ў пастку жаночых чараў і забівае свайго правадніка Штыркіна.
Містэрыя другая. «Маці»
Нямая жанчына ратуе параненага нацыста, які замяняе ёй сына, што загінуў.
Містэрыя трэцяя. «Бацька»
Маленькі хлопчык так імкнецца адшукаць зніклага бацьку, што прыводзіць у дом людзей, якія забіваюць яго айчыма і маці.
Прыходзьце самі і прыводзьце сяброў!
