23 ліпеня фонд «Беларусы ў Лодзі» ладзіць імпрэзу «Палітзняволеная літаратура», прысвечаную літаратуры нашых палітвязняў.
Дата: 23 ліпеня
Час: з 16.00 да 22.00 (час мясцовы)
Месца: Дом літаратуры, Roosevelta 17, Лодзь
Слухаючы іх галасы, мы можам акрэсліць тут і зараз, дзеля чаго мы як супольнасць ідзем на барацьбу і страты, чалавечыя, лёсавыя, культурныя.
Вас чакае:
16.00 — 18.00 форум-спектакль «Цэнзар» і сумеснае напісанне лістоў нашым палітвязням, выкананне твораў палітзняволеных;
18.00 — 19.30 дыскусія «Феномен беларускай палітзняволенай літаратуры ў кантэксце часу і сусветнага мастацтва» з удзелам прадстаўніцы ПЦ «Вясна» Алены Лапцёнак, паэта, прадстаўніка беларускага ПЭН-цэнтра Андрэя Хадановіча, метадолага, незалежнага эксперта ў галіне адукацыі Святланы Мацкевіч і іншых экспертаў;
19.30 — 22.00 канцэрт, прысвечаны творам палітвязняў і людзей мастацтва, якія прайшлі праз сістэму рэпрэсій у Беларусі. Удзел у ім бяруць Юрый Стыльскі, лідар гурта «Дай дарогу!», а таксама гурт «Разбітае Сэрца Пацана».
Імпрэза ладзіцца ў межах Дзён беларускай культуры.
Уваход вольны!
