У пятніцу, 15 верасня, Omni Academia распачынае цыкл паказаў аўтарскага беларускага кіно сумесна з рэжысёрам Арцёмам Лобачам.
Дата: 15 верасня
Час: 19.00 (час мясцовы)
Месца: Omni Academia, Aukštaičių g. 6-30, Вільня
Глядзяць і абмяркоўваюць тры ігравыя караткаметражкі, створаныя трыма рэжысёрамі з Беларусі з 2013 па 2022 год.
Вось якая праграма:
«Кірляндыя» (5 хв.)
Вясёлы, іранічны ч/б D.I.Y. фільм 2013 года.
Стужка расказвае пра Кірляндыю — маленькую краіну, у якой жыве 10 чалавек, і хутка канец свету... Эліту краіны губіць уласная ўлада і неадэкватнасць.
«Сябры па ліставанні» (23 хв.)
Дынамічны падлеткавы рамантычны фільм 2017 года.
На працягу года Антон і Ліза будавалі сваё каханне, маючы стасункі выключна праз экраны. Але гэты раман прыняў нечаканы паварот, калі Антон вырашыў прыбыць у Мінск, каб перавесці іх адносіны ў рэчаіснасць.
«Смеццевая галава» (18 хв.)
Ч/б анімацыйна-ігравы фільм 2022 года.
Юрась — сарамлівы зборшчык смецця і пачынаючы кінарэжысёр. Прохар — яго верны сабака і адзіны сябар. Аднойчы Юрась знаходзіць сярод смецця бутафорскую галаву і вырашае забраць яе дадому. Тым жа вечарам галава ажывае і прапануе Юрасю выканаць любое яго жаданне.
Квіткі — 12 еўра (частка даната будзе пералічана аўтарам фільмаў).
Запіс — у дырэкт Omni Academia.
