«Таварыства жывых паэтаў і паэтак» — гэта курс пра беларускую паэзію ў сусветным кантэксце: пра творчыя ўплывы і «паралельныя» адкрыцці, пра пераклад і містыфікацыі, пра тое, як вершы становяцца песнямі, а паэзія — мовай пратэсту, супраціву і салідарнасці, піша тэлеграм-канал «Годная гісторыя».
Скрын з відэа на канале CHADANOVIČ
У курсе — 10 анлайн-заняткаў, кошт удзелу — 59 еўра. Доступ да заняткаў захоўваецца яшчэ тры месяцы, каб паглядзець пасля.
Пачатак курса 13 мая. Кожны ўдзельнік курса атрымае анлайн-сертыфікат пасля праходжання.
Тэмы заняткаў:
-
Як сплятаўся «Вянок»? Максім Багдановіч і папярэднікі: Шарль Бадлер, Поль Верлен ды іншыя
-
«Курганы шмат чаго нам гавораць»: Янка Купала і Уільям Батлер Ейтс
-
Фантомныя болі двух Міцкевічаў: паэмы «Пан Тадэвуш» і «Новая зямля»
-
Нерасстраляныя паэмы: беларускае і габрэйскае
-
Аркадзь Куляшоў — містыфікатар: таемная гісторыя верша «Бывай» (і песні «Алеся»)
-
«Амплітуда смеласці»: Максім Танк, Рыгор Барадулін, Міхась Стральцоў
-
«Каардынаты быцця»: паэтычныя адкрыцці Алеся Разанава
-
Беларусь — нацыя паэтак? Жаночая лірыка ад Бандарынай да Бандурынай
-
Паэты і фронтмэны: беларускія вершы, музыка і сцэна
-
«На беразе Волі»: беларуская паэзія 20-х
Калі вы хочаце лепш разумець беларускую паэзію, бачыць за вершамі кантэксты, сувязі, уплывы і схаваныя гісторыі — далучайцеся па спасылцы!
Калі вы працуеце ў Літве, вы можаце падтрымаць «Будзьма беларусамі!», пералічыўшы нам 1,2% ад сваіх падаткаў. Вам уласна гэта не будзе каштаваць анічога.
