«Пра што ж гэта ўсё? Аб пачуццях, якія не змяшчаюцца ў словы, але я паспрабую прагаварыць іх голасам і целам. Я ніколі не думала, што даведаюся нешта пра вайну, і так і не зразумела — ці даведалася. 68 дзён (гэта шмат ці мала?) я перажывала досвед вайны...»
Дата: 18 студзеня
Час: 19:00-20:00 (час мясцовы)
Месца: Galeria Promocyjna (Rynek Starego Miasta 2, 00-272 Warszawa)
Як і многія беларусы, Таша прыехала ў Кіеў, дзе 24 лютага 2022 года заспела пачатак вайны. Два месяцы жыцця беларускі на вайне. А затым — падвойная эміграцыя.
Свой першы перфоманс мастачка Таша Кацуба будзе паказваць у рамках рэзiдэнцыi PerspAKTIV, якая працуе над стварэннем і пашырэннем устойлівай сеткі партнёрскіх арганізацый з Германіі і Польшчы для забеспячэння беларускім мастакам і дзеячам культуры бяспечных умоў для творчай рэалізацыі і ўцягвання ў еўрапейскі культурны кантэкст.
Уваход вольны.