У самым канцы восені і пачатку зімы філіял Веткаўскага музея ў Гомелі запрашае сяброў, каб распавесці пра асаблівасці вяселля на Веткаўшчыне (якое часцей ладзілася восенню) і падзяліцца таямніцамі “бабскага” рамяства, а менавіта прадзення (пачынаючы з кастрычніка і аж да самых Каляд гэта было галоўнай “бабскай” справай)…
У праграме вечарыны:
– Выступ гурта “Стаўбунскія вячоркі” (в. Стаўбун Веткаўскага раёна) з вясельнай песеннай праграмай “Ляцелі галачкі..”
– Выступ гурта “Ягорава гара” (г. Гомель) з акустычнай праграмай “Што на нашай вуліцы…”
Слухаючы песні Музычнага пректа “Ягорава Гара”, вы ўбачыце і пачуеце традыцыйныя беларускія музычныя інструменты: гуслі, дуда, колавая ліра, жалейка, гармонь, дудка…
– Майстар-клас па прадзенні на самапрадцы і верацяне
– Майстар-клас па традыцыйных танцах ад Віктара Шыпкова (Мінск-Маркавічы) — правядзенне ўдакладняецца
Кошт уваходу — 20 000 р.
На Беларусі гэты час называлі “Піліпаўка” і прыгаворвалі: “Піліпаў пост — да святак мост”.
Перад Піліпаўкай наладжвалі апошнія вяселлі, таму ў песнях ёсць такія словы: “Была восень — цяпер зіма, былі хлопцы — цяпер няма”.
“Піліп дзяцей адзявае”, “Кудзеліца — першы тыдзень прадзення на Піліпаўскі пост” — да гэтага дня неабходна было скончыць падрыхтоўку да ткацтва: “У запусты на Піліпаўку пачынаюцца вячоркі і попрадкі”.
29 лістапада
Пачатак — 16-00
Пытанні — у сустрэчы ў ВК.
