Літаратура Мінск

План Бабарозы: піжамная прэзентацыя

Пачатак: 29.03 (19:00)
Канец: 29.03 (21:00)
Галерэя Ў

(Мінск, пр-т Незалежнасцi 37А )

Павал Касцюкевіч прадстаўляе раман “План Бабарозы” .

Крыху пра раман. “План Бабарозы” – гэта мілосны шасцікутнік, дзе менскі псіхатэрапеўт выбірае паміж каханай жанчынай і любай прабабуляй, і дзе фігуруюць яшчэ тры пацыенткі, якім былі выратаваныя жыцці. Гэта сямейная сага з моцным чухонска-галіцыйскім акцэнтам, дзе чатыры пакаленні прыбышоў усё жыццё навылёт заўзята аспрэчваюць мэтазгоднасць свайго перабывання ў Менску. Гэта найноўшая гісторыя Беларусі на прыкладзе адной мандражнай радзіны. Урывак з раману “План Бабарозы” пад назвай “Няроўны шлюб” вы можаце прачытаць тут.

Раман ад лаўрэта прэміі імя Ежы Гедройца за найлепшую беларускую прозу выйшаў у выдавецтве “Логвінаў” ў кніжнай серыі Саюза беларускіх пісьменнікаў.