Прагулкі з куратарамі па выставах у Мастацкім музеі

21.02.2019 17:00 - 18:00 Unnamed Venue Бясплатнае

21 лютага – Сусветны дзень экскурсавода. Але мы пойдзем далей, адсвяткаваўшы гэты чацвер чымсьці па-сапраўднаму асаблівым, а менавіта сустрэчамі з куратарамі самых яркіх выставачных праектаў лютага.

17:00. Выстава “Адкрыццё сапраўднага”. Куратар: Аляксандр Лагуновіч-Чарапко, рэстаўратар 2-й катэгорыі, загадчык сектара рэстаўрацыі старажытнабеларускага мастацтва.

Рэстаўрацыя – гэта адна з самых закрытых сфер жыцця твора мастацтва. Прыходзячы ў экспазіцыйныя залы, мы ніколі не задумваемся над тым, што адбывалася з гэтымі прадметамі мастацтва гадоў сто, а то і трыста таму. А выстава “Адкрыццё сапраўднага” дае ўнікальную магчымасць убачыць этапы працы над пашкоджанымі творамі, кантрасты “да” і “пасля”, магію адноўленых структур і кветак. Аповед рэстаўратара раскрые таямніцы гэтага незвычайнага рамяства.

18:00. Выстава жывапісу Барыса Грабеншчыкова “Татэмы Зімагораў”. Куратар: Дзмітрый Салодкі, старшы навуковы супрацоўнік НММ

Як жывапісныя творы нязменнага лідэра гурта “Акварыум” апынуліся ў Мінску? Як зразумець назву выставы? Як разабрацца ў мудрагелістых назвах карцін? Як увогуле ствараецца экспазіцыя? Пытанняў можа паўстаць шмат. Прапануем праверыць, ці застануцца яны пасля прагулкі па выставе разам з куратарам. Кожны з нас можа адшукаць ключ да разумення форм і сімвалаў. Важна настроіцца на патрэбны лад, а дасведчаны праваднік падкажа, як правільна глядзець і бачыць вобразы перад сабой.

Прапануем прайсціся з куратарамі або па адной, або адразу па дзвюх выставах. Выбар за вамі!

Зарэгістравацца можна па тэл.: 327-71-63 або па электроннай пошце artlovemuseum@gmail.com

Уваход па білеце ў музей або карце госця НММ


Вам можа быць цікава

Выстава Іллі Гічана «53/27» у Мінску

03.05.2025 18:00 - 02.06.2025 19:00 галерэя «Арт Фабрыка» (вул. Свярдлова, 2)

Саша Філіпенка ў Варшаве

18.05.2025 (15:30 - 17:30) Stand up lokal (Stanisława Noakowskiego 16)

Спектакль «Зэкамерон» у Цюрыху

31.05.2025 (17:00 - 19:00) Theater Stok Zürich (Hirschengraben 42)

Апошняе
на Budzma.org

чытаць яшчэ