У нядзелю, 4 чэрвеня, тэатр «Дом сонца» ладзіць прэм’ерны паказ беларускамоўнага дзіцячага спектакля «Дзівосныя» паводле кнігі Надзеі Кім «Кразі — чырвоны кракадзільчык».
Дата: 4 чэрвеня
Час: 17.30
Месца: арт-студыя «DUPLEX», пр-т Дзяржынскага, 9 (м. Грушаўка), Мінск
Ці легка быць кракадзільчыкам ,які мае незвычайны чырвоны колер? Здаецца, ён вельмі яркі і прыгожы, але... Але сам ён не жадае заставацца такім і марыць стаць зялёным, звычайным.
Чаму? Даведаецеся на спектаклі «Дзівосныя», дзе гэтую гісторыю распавядуць з дапамогай лялек, каляровых ценяў, малявання святлом і цікавых гульняў. Вас чакае цудадзейная сумесь сонца, дабрыні і, вядома ж, кракадзілаў. А яшчэ пэндзлікаў, каўпакоў, мячоў, тупату і рогату.
Узрост — 3+.
Працягласць спектакля — 45 хвілін.
Месцаў абмежавана, таму запісвайцеся па нумары +375 (29) 3914711 (званок, Telegram) альбо праз дырэкт студыі «Дзюплекс».
