Літаратура

Прэзентацыя “Бэўвульфа”

Пачатак: 25.07 (19:00)
Канец: 25.07 (21:00)
Кнігарня "ЛогвінаЎ"

(Мінск, пр. Незалежнасці, 37а)

25 ліпеня адбудзецца прэзентацыя беларускага перакладу стараангельскага эпасу “Бэўвульф”. Апроч перакладчыка паэмы Антона Францішка Брыля ў прэзентацыі возьмуць удзел:

Лявон Баршчэўскі

Ганна Янкута

Кацярына Маціеўская

Ігар Кулікоў

Зміцер Колас

Кнігарня логвінаЎ (Незалежнасці 37а). Пачатак а 19. Уваход – вольны.

Крыху пра кнігу. “Бэўвульф” – паэма пра мора, па якім плывуць чаўны і марскія змеі, пра неба, у якім лунаюць найчасцей птушкі, але часам і цмокі, пра цёмныя багны і ззяючыя палаты, пра шлях, які лёг між усяго названага, ды пра чалавека, які праходзіць гэтым шляхам. Яна ператвараецца то ў элегію, то ў гімн, то ў казань, але не збіваецца з роўнага кроку, пакуль апошняя алітэрацыя не змацуе апошні радок.