Прэзентацыя артбука «Дзе твой твар» мастачкі Анастасіі Рыдлеўскай адбудзецца 27 траўня.
Дата: 27 траўня
Час: 19:00 (час мясцовы)
Месца: Staromiejski Dom Kultury, Rynek Starego Miasta 2, Варшава
Наста стварыла візуальны дзённік, у якім асабістыя пачуцці трансфармуюцца ў універсальныя гісторыі з дапамогай разнастайных мастацкіх вобразаў. Яе артбук апускае ў асабісты досвед чалавека, які жыў у часы палітычнага рэжыму, рэпрэсій, беларускіх пратэстаў 2020/21 гадоў і эміграцыі ў іншую краіну. Тэксты ў кнізе — спецыфічная рытмічная проза ці белыя вершы, заснаваныя на рэальных дзённіках мастака, праілюстраваных выявамі тонкіх траўмаў.
Падчас прэзентацыі вас чакаюць перфарматыўны расказ пра стварэнне артбука ад Насты і рытмізаваная проза ад беларускай акторкі Яўгеніі Давідзенкі пад сэт украінскага дыджэя Улада Блызнюка (удзельніка Radio Kapitał).
Частка сродкаў з продажу кнігі пойдзе на дапамогу беларускім палітвязням.
