Чарговая імпрэза «Мовы Нанова» ў Вільні адбудзецца ў траўні!
Дата: 4 траўня
Час: 18:00 (час мясцовы)
Месца: Школа Стэмбрыдж, Maironio g. 11, Вільня
Да нас у госці завітае Святлана Волчак, экспертка ў галіне фізікі і адна са стваральніц навукова-папулярнага часопіса Pamylka«.
Пра што будзем размаўляць на занятках? Адказвае сама Святлана:
«Існуе дзве тэорыі адноснасці, якія адкрыў Айнштайн у 1905 і 1915 гадах: спецыяльная і агульная. Я распавяду пра спецыяльную тэорыю адноснасці! Яна паўстала як адказ на праблему канца 19 ст: як аб’яднасць фізіку электра-магнітных хваляў і Ньютанаўскую механіку. Яна не толькі аб’яднала гэтыя дзве галіны, але і адкрыла акно новых магчымасцяў па вывучэнню нашага света.
І мы ў вамі разглядзім падрабязней:
— якая праблема сфарміравалася напрыканцы 19 стагоддзя ў фізіцы,
— што такое Тэорыя адноснасці ў класічнай фізіцы,
— што такое электра-магнітныя хвалі, і ў чым розніца іх дынамікі, ў адрозненні ад
звычайных цел, якія мы можам памацаць,
— якія дапушчэнні зрабіў Айнштайн, і як яны паўздзейнічалі на ўспрыманне прасторы і
часу,
— супярэчнасці Тэорыі адноснасці на прыкладзе Парадокса блізнятаў,
— вырашэнне супярэчнасцяў і новая Тэорыя Гравітацыі.
І яшчэ я распавяду пра навукова-папулярны зін «Pamylka», які мы робім з сябрамі, каб аб’яднаць беларускіх навукоўцаў у супольнасць».
Чакаем усіх аматараў і аматарак навукова-папулярнага любога ўзроста.
