23 жніўня ў Вільні адбудзецца прэзентацыя фотакнігі «Плошча Перамен» Яўгена Ацецкага.
Дата: 23 жніўня
Час: 19:00(час мясцовы)
Месца: Architektūros fondas, Vitebsko g. 23, Вільня
«Плошча Перамен» – праект Яўгена Ацецкага, фатографа і жыхара знакамітага мінскага двара, які выступіў супраць гвалту і фальсіфікацыі выбараў у Беларусі ў 2020 годзе. Суседзі аб'ядналіся, каб разам пратэставаць даступнымі ім спосабамі, падтрымліваць адно аднаго і іншых гараджан.
Яўген дакументаваў жыццё супольнасці: ад з'яўлення першага мурала з «дыджэямі перамен» да акцый памяці ў гонар загінулага Рамана Бандарэнкі, выкрадзенага невядомымі з дзіцячай пляцоўкі ў двары.
У Вільні прэзентацыя пройдзе пры падтрымцы Беларускай асацыяцыі журналістаў.
Уваход вольны.
