У пятніцу, 26 траўня, фатографка Вольга Бубіч прэзентуе у daadgalerie свой праект «Мастацтва (не)забыцця».
Дата: 26 траўня
Час: 18.00 (час мясцовы)
Месца: daadgalerie, Oranienstraße 161, Берлін
Што і як мы памятаем?
Колькі і чаму мы забываемся?
Ці ёсць у нашых вынаходлівых і балючых успамінах нешта агульнае ў розных культурах і нацыях?
Ці можа няўлоўная прырода нашай памяці быць выкарыстана рэпрэсіўнымі рэжымамі для прасоўвання памылковай памяці і навязвання розных версій мінулага?
У сваім праекце спадарыня Вольга адыходзіць ад звычайнай працы журналіста і фатографа ў бок «захавальніка памяці» — чалавека, які займаецца даследаваннем (ня)бачнай тканіны ўспамінаў беларускіх жанчын і ЛГБТК+ людзей.
У гутарцы спадарыня Вольга падзеліцца ідэямі свайго даследавання і пакажа, як клопат пра асабістыя ўспаміны можа ператварыцца ў клопат пра нацыю і народ.
Уваход вольны.
