Прэзентацыя кнігі Тані Скарынкінай
Пачатак: 22.02 (19:00)Канец: 22.02 (22:00)
кнігарня логвінаЎ
22 лютага (панядзелак) У кнігарні логвінаЎ (Незалежнасці 37а) паэтка Таня Скарынкіна прэзентуе кнігу прозы “Шмат Чэслава Мілаша, крыху Элвіса Прэслі”.
Уваход – вольны. Пачатак а 19.
Крыху пра аўтара. Таня Скарынкіна нарадзілася ў 1969 годзе ў горадзе Смаргонь. Выпускніца Горацкай сельскагаспадарчай акадэміі. Працавала ілюстратарам дзіцячых кніг, паштальёнам, журналістам, калумністам. Друкавалася ў айчынных папяровых выданнях «Зорька», «Першацвет», «Няміга літаратурная», «Маладосць», «Народная воля», «Мінская школа”, “Arche”. У маскоўскім «Воздухе», у часопісах «Крещатик» (Германія), Лава (Украіна), «Аналогон» (Чэхія), «Сибирские огни» (Расея), у сеткавых выданнях «Полутона», TextOnly, «Двоеточие», Лиterraтура і інш. Вершаваныя зборнікі: «Книга для чтения вне помещений и в помещениях» (Мінск, «Кнігазбор», 2013) і «Португальские трехстишия» (Нью-Йорк, «Айлурос», 2014). Вершы перакладаліся на іўрыт, на польскую, чэшскую, італьянскую і англійскую мовы. Сябра ПЭН-цэнтра.
