Прэзентацыя першага беларускага зомбі-хорара “1813” — 10 лістапада

10.11.2016 19:00 - 19:00 Культурніцкая прастора "Тартак" (вул. Магілёўская, 2, корпус 2, 4-ы паверх (недалёка станцыя метро “Інстытут культуры”, адразу за ГЦ "Мост")) Уваход вольны

З 1 лістапада, на партале kniharnia.by з’явілася ў продажы доўгачаканая кніга Уладзіміра Садоўскага “1813”. Гэта самы сапраўдны зомбі-хорар, напісаны на матэрыяле беларускай гісторыі.

Пра што ж распавядае кніга?

1813 год. Напалеонаўскія войскі адступілі, але пасля зімы на палях засталося шмат яшчэ не пахаваных трупаў французскіх салдат. У разбуранае Вялікай вайной мястэчка на ўскрайку Мінскай губерні наведваецца госць са сталіцы. Гэта не хто іншы як Міхал Клеафас Агінскі — дыпламат, кампазітар, а зараз сенатар Расійскай імперыі. Ён прыязджае пагасціць да свайго дзядзькі ў фамільны замак ля Маладэчна. З надыходам адлігі ў наваколлях мястэчка пачынаюць адбывацца незразумелыя рэчы: забітыя жаўнеры паўстаюць з поля мінулай бітвы і нападаюць на жыхароў паселішча. Хутка замак Агінскіх апынаюцца ў аблозе хадзячых мерцвякоў. Міхалу Клеафасу не застаецца нічога іншага, як зноў узяць у рукі зброю і змагацца за свабоду роднага краю. Толькі гэтым разам ворагам будуць не жывыя людзі, а паўсталыя пачвары.

Гэтая кніга стала першай спробай краўдфандынгу для выдання менавіта электроннай кнігі. Спроба аказалася ўдалай. Дзякуючы таму, што паўдзельнічаць у стварэнні першага зомбі-хорар-тэксту ў беларускай літаратуры мог кожны, многія чытачы яго падтрымалі, і дапамаглі сабраць грошы ў рэкордна кароткія тэрміны.

Пазнаёміцца ​​з аўтарам, даведацца пра тое, як з’явілася ідэя напісання кнігі, ці будзе працяг і ці лёгка маладому аўтару выдаць сваю кнігу ў Беларусі – адказы на ўсе гэтыя пытанні вы зможаце атрымаць на спецыяльнай прэзентацы, якая адбудзецца 10 лістапада ў 19.00 у новай культурніцкай прасторы “Тартак” па адрасе: г. Мінск, вул. Магілёўская, 2, корпус 2, 4-ы паверх (недалёка станцыя метро “Інстытут культуры”, адразу за ГЦ “Мост”).


Вам можа быць цікава

Выстава «Сэрца старога горада» ў Віцебску

18.06.2025 16:00 - 07.07.2025 18:00 Ратуша (вул. Леніна, 36)

Выстава Яраслава Кірвеля «Kviecień» у Варшаве

26.06.2025 20:00 - 06.07.2025 23:00 галерэя «Septem of swords» у бары «Карма» (Aleja 3 Maja 5)

Спектакль «Экстрэмісты» ў Варшаве

16.07.2025 19:00 - 17.07.2025 21:00 Scena Przodownik (Olesińska 21)

Фестываль «Наш Грунвальд-2025» у Дудутках

19.07.2025 11:00 - 20.07.2025 17:00 музейны комплекс «Дудуткі»

Апошняе
на Budzma.org

чытаць яшчэ