Прэзентацыя мастацкай выставы Юрыя Хілько
“Страцім-лебедзь. Палёт у вечнасць…”
14 сакавіка 2017 года, а 18-й гадзіне
ў Літаратурным музеі Максіма Багдановіча
Максім Багдановіч (1891 – 1917) – геніяльны паэт, аўтар шэдэўраў, якія ўвайшлі ў скарбніцу сусветнай літаратуры. Важнае месца ў творчай спадчыне М. Багдановіча займаюць паэма “Страцім-лебедзь” і верш “Пагоня”, якія паэт напісаў у Мінску, у апошні прыезд на Беларусь.
Паэзія Максіма Багдановіча прыцягвае ўвагу шматлікіх беларускіх і замежных творцаў – перакладчыкаў, мастакоў, музыкаў. У іх ліку і Юрый Іванавіч Хілько, загадчык кафедры графікі Беларускай дзяржаўнай акадэміі мастацтваў, “мастак – па прызванні, філосаф – у душы, шукальнік і эксперыментатар – у тэматыцы, стылістыцы і пластыцы” (А.Каваленка).
Юрый Хілько з’яўляецца дыпламантам конкурсу “Лепшае выданне года” за афармленне мініяцюрнай кнігі М.Багдановіча “Вянок” (1995 год). Ён – аўтар серыі выбітных ілюстрацый да вершаў М.Багдановіча “Пагоня”, “Зорка Венера”, “Слуцкія ткачыхі”, выдадзеных Беларускім фондам культуры ў 2011 годзе.
Выстава прэзентуе графічныя работы Ю.Хілько, ілюстрацыі да верша “Пагоня” з фондаў Літаратурнага музея Максіма Багдановіча, а таксама пяць станковых графічных работ па матывах паэмы “Страцім-лебедзь”, якія стварыў мастак у 2016–2017 гг.
Літаратурны музей Максіма Багдановіча
г.Мінск, вул. М.Багдановіча, 7а
тэл.: (017) 334 07 61, (017) 334 42 69
maksimbagdanovich@gmail.com
