Псіхалагічная сустрэча "Жанчыны разам" у Варшаве
Пачатак: 17.08 (18:00)Канец: 17.08 (23:30)
Беларускі дом у Варшаве
17 жніўня Беларускі Дом у Варшаве запрашае беларусак на сустрэчу «Жанчыны разам» з новага цыклу «Давер свету».
Дата: 17 жніўня
Час: 18.00 (час мясцовы)
Месца: Беларускі Дом, ul. Kryniczna 6, Варшава
Другая сустрэча новага цыклу «Давер свету» будзе прысвечана сілы там, дзе шмат хто бачыць толькі разбурэнне, – у злосці.
Удзельніцы будуць разглядаць абодва бакі злосці і пасябруюць са сваёй. Для іх падрыхтаваныя цікавыя тэхнікі, гэтым разам будзе магчымасць стварыць выяву сваёй злосці і даследаваць яе – энергію разбурэння ў імя новага.
Кожная сустрэча – гэта група падтрымкі для беларусак, якія пражываюць у Польшчы. Гэта жаночае кола ўзаемадапамогі, цёплых зносін і магчымасці падзяліць досведам жыцця ў новай краіне.
На сустрэчы будзе знаёмства, інфармацыя, звязаная з агульнай тэмай сустрэчы, і індывідуальныя ці сумесныя практыкаванні, якія дапамогуць спазнаць сябе і знайсці новыя спосабы рэагавання і адаптацыі. А ў перапынку можна папіць гарбаткі і пагутарыць за межамі кола.
Псіхатэрапеўтка Марта Скугарава і інструктарка ёгі Кацярына Кузіна забяспечаць далікатную і бяспечную атмасферу, падрыхтуюць практыкаванні і правядуць праз працэс эмацыйнай дэтаксікацыі.
Удзел бясплатны, трэба толькі зарэгістравацца па спасылцы.
