У нядзелю, 14 красавіка, беларусаў Тбілісі клічуць на другі птушыны шпацыр — гэтым разам па парку Панічала.
Дата: 14 красавіка
Час: 10.00 (час мясцовы)
Месца збору: уваход у парк Панічала, Тбілісі
Весці шпацыр будзе Віктар Фянчук, беларускі арнітолаг, вядомы сваёй працай па ахове дзікай прыроды.
Вы пройдзеце сцяжынамі аднаго з найцікавейшых месцаў Тбілісі з пункту гледжання бёрдвотчынгу ці птушкарства — парку Панічала. Тут маецца разнастайнасць экасістэм і відаў птушыных. Таму чакае вас шмат розных цікавостак.
Шпацыры — гэта мікс экскурсіі, самастойнага назірання і ўзаемадзеяння з іншымі. Баланс кожны абірае для сабе сам.
Працягласць — каля 2-х гадзін. Узровень — лёгкі.
Шпацыр скончыцца ў месцы, дзе можна будзе затрымацца, выпіць гарбаткі і абмеркаваць вынікі.
Мова шпацыру — беларуская.
Удзел вольны!
