Рэтраспектыва фільмаў да 95-годдзя Алеся Адамовіча ў Мінску
23.09.2022 - 25.09.2022
15:00 - 17:00
музей гісторыі беларускага кіно (вул. Свярдлова, 4)
4 рублі
У пятніцу, 23 верасня, у музеі гісторыі беларускага кіно пачынаецца рэтраспектыва фільмаў, прымеркаваная да 95-годдзя з дня нараджэння Алеся Адамовіча.
Дата: з 23 па 25 верасня
Месца: музей гісторыі беларускага кіно, вул. Свярдлова, 4, Мінск
Пакажуць фільмы, для якіх Алесь Адамовіч пісаў сцэнарыі, а таксама фільмы паводле яго твораў.
Вось што ў праграме:
23 верасня у 15-00 і 18-30
«ХАТЫНЬ, 5 КМ», 1969 Сцэн. Алесь Адамовіч, Ігар Калоўскі Рэж. Ігар Калоўскі Дакументальны фільм пра Хатынь так не спадабаўся чыноўнікам, што быў цэнзураваны і пакладзены на паліцу на 20 гадоў.
«ЖАНЧЫНА З ЗАБІТАЙ ВЁСКІ», 1975 Сцэн. Алесь Адамовіч Рэж. Віктар Дашук Фільм-маналог Вольгі Андрэеўны Мініч, жыхаркі вёскі Хвойня Петрыкаўскага раёна Гомельскай вобласці пра падзеі вясны 1942 года, першы фільм цыклу «Я з вогненнай вёскі», уганараванага Дзяржаўнай прэміяй СССР (1985).
«ЖМЕНЯ ПЯСКУ», 1975 Сцэн. Алесь Адамовіч Рэж. Віктар Дашук Фільм-маналог Акуліны Сямёнаўны Івановай, якая цудам выжыла падчас карнай аперацыі ў вёсцы Рудня Віцебскай вобласці.
«НЯМЫ КРЫК», 1975 Сцэн. Алесь Адамовіч Рэж. Віктар Дашук Фільм-маналог людзей, перажыўшых карныя аперацыі падчас Вялікай Айчыннай.
24 верасня
У 15-00 «ВАЙНА ПАД ДАХАМІ», 1967 У 17-00 «СЫНЫ СЫХОДЗЯЦЬ У БОЙ», 1969 Кінадылогія паводле аднайменных першай і другой частак дылогіі «Партызаны» (1955 — 1963) Алеся Адамовіча, якая па сутнасці была аўтабіяграфічнай, заснаванай на ўспамінах 15-гадовага падлетка, які адчуў вайну ў самым яе пекле.
25 верасня ў 14-00
«ІДЗІ І ГЛЯДЗІ», 1985 Сцэн. Алесь Адамовіч, Элем Клімаў Рэж. Элем Клімаў Самы жорсткі, гіперрэалістычны ваенны фільм паводле аповесцяў Алеся Адамовіча. У цэнтры сюжэту — беларускі падлетак, які становіцца сведкам карнай акцыі фашыстаў, за два дні ператвараючыся з жыццярадаснага дзіцяці ў старога.
25 верасня ў 17-00
«ФРАНЦ+ПАЛІНА», 2004 Сцэн. Алесь Адамовіч, Міхаіл Сегал, Уладзімір Сцепаненка Рэж. Міхаіл Сегал Яна — беларуска. Ён — немец, які размаўляе на «чужой» мове. Але ні гэтай акалічнасці, ні вайне пачуцці непадуладныя.
Квіткі — 4 рублі.
