У пятніцу, 6 кастрычніка, у Omni Academia — новы семінар Юрыя Таўбкіна «Папяровая архітэктура».
Дата: 6 кастрычніка
Час: 19.00 (час мясцовы)
Месца: Omni Academia, Aukštaičių g. 6-30, Вільня
Папяровая архітэктура — гэта архітэктурныя праекты, няздзейсныя ў рэальнасці. Такое вось мастацтва ўтопіі, якое не стрымлівае бязмежнай фантазіі аўтара.
Гэты канцэптуальны напрамак у архітэктуры 80-х гадоў узнік як альтэрнатыва афіцыйнай савецкай архітэктуры.
Тады маладыя архітэктары пачалі масава ўдзельнічаць у конкурсах, аб’яўленых заходнімі архітэктурнымі часопісамі, і атрымліваць на іх прызы. Праекты існавалі толькі на лістах ватмана, будучы сапраўды «папяровай архітэктурай».
Дзякуючы гэтаму аўтары развязалі сабе рукі: ідэі, якія не маглі быць рэалізаваны ў будаўніцтве, былі развіты ў форме чыста мастацкага твора.
То прыходзьце даведацца больш!
Квіткі — 10 еўра.
Запіс — у каментарах да адмысловага паста.
