«Што было сном, было домам». Выстава беларускіх, польскіх і ўкраінскіх мастакоў і мастачак ва Уроцлаве
14.06.2024 - 24.08.2024
19:00 - 16:00
(Wojciecha Cybulskiego, 35A)
Бясплатнае
Адкрыццё выставы з удзелам беларускіх, польскіх і ўкраінскіх мастакоў і мастачак «Што было сном, было домам» адбудзецца 14 чэрвеня а 19:00 у галерэі «MiserArt» ва Уроцлаве. У праекце возьмуць удзел Аляксандр Кот-Зайцаў, Ала Савашэвіч, Аляксандр Адамаў, Дмытро Красны, Караліна Бальцэр і іншыя.
Дата: з 14 чэрвеня да 24 жніўня
Час адкрыцця: 19:00 (час мясцовы)
Час для наведвання ў іншыя дні: з 11:00 да 16:00 (час мясцовы).
Месца: Wrocław, Wojciecha Cybulskiego, 35A.
Праект запрашае асэнсаваць паняцце дому як першасны вобраз, што вызначае нашыя ўяўленні. Родны дом паказаны як дом-мроя, сіла, што інтэгруе нашыя думкі, успаміны, мары і робіцца ключавым складнікам нашага бачання рэчаіснасці.
Да фатаграфічнага праекта «DOM.» Аляксандра Кот-Зайцава куратары запрасілі мастакоў з Беларусі, Польшчы і Украіны, каб тыя сваімі працамі стварылі дыялог на прапанаваную Аляксандрам тэму.
Асаблівую значнасць выставе надаюць не толькі працы гэтых мастакоў, якія з незалежных ад іх прычын не могуць вярнуцца ў свае дамы, але і месца яе размяшчэння, галерэя «MiserArt», што падтрымлівае людзей, якія трапілі ў крызіс бяздомнасці.
Назва выставы ўзятая з верша Марціна Святліцкага «Дом».
Вернісаж выставы адбудзецца 14 чэрвеня а 19:00 у галерэі «MiserArt» па адрасе: Wrocław, Wojciecha Cybulskiego, 35A.
Госці на вернісажы:
Аляксандр Ясінскі, музыка Пражскай філармоніі, выканае музыку, спецыяльна створаную да фатаграфій Аляксандра Кот-Зайцава. Ён прыляціць на гэтую імпрэзу з Прагі.
Танцавальны перформанс выканае Дар’я Іванова.
