Што не так з берасцейскімі івэнтамі і як іх зрабіць лепш? Варкшоп ад Уладзімера Булаўскага

Што не так з берасцейскімі івэнтамі і як іх зрабіць лепш? Варкшоп ад Уладзімера Булаўскага.

31 кастрычніка ў 18:30 пачнецца фінальны лекторый у межах праекта «#999», які быў арганізаваны АРР «Дзедзіч».

Гэтым разам мы абмяркуем чаго не хапае берасцейскім мерапрыемствам, чаму не атрымліваецца сабраць на іх шмат людзей і што найбольш абрыдла на гарадскіх святах у Беларусі. А як гэта выправіць распавядзе арганізатар шматлікіх гарадскіх фестываляў у Віцебску – Уладзімер Булаўскі.

У сераду вы даведаецеся:

– як знайсці спонсараў некамерцыйнаму фестывалю;

– як аформіць усе неабходныя дазволы;

– як прывесці на сваё свята шмат людзей.

Мерапрыемства бясплатнае.

Што: Ворк-шоп “Што не так з берасцейскімі івэнтамі і як іх зрабіць лепш?”.

Калі: 31 кастрычніка 18:30.

Дзе: Брэст, Маякоўскага, 46-1.

Хто: Уладзімір Булаўскі. Актывіст прасторы vitebsk4me, арганізатар культурніцкіх падзей, дырэктар музычнай групы Acute.

Пасля лекцыі будзе наладжана публічная дыскусія па сучасных формах правядзення вулічных святаў. Адбудзецца абмеркаванне прапаноў па фармаце і праграме вулічных мерапрыемстваў, па тэмах, вартых асвятлення падчас святкавання 1000-годдзя Берасця.