У нядзелю, 1 снежня, у Познані граюць канцэрт SIŬCOŬ — KMIT — VAŠKIEVIČ.
Дата і час: 1 снежня ў 19.00
Месца: Pakoj 202, Nowowiejskiego 46 (трэці паверх), Познань
Ілля Сіўцоў — аўтар сусьветна вядомых (у вузкіх колах) гітоў «Талька», «Мандарынкі» і «Седые недели», намінант прэміі за самы лепшы індзі-поп альбом 2017 года паводле пабліка «Родны гук», колішні ўдзельнік гуртоў «Галантерея», «Мнимая ось» і «Жидкие стулья». Чалавек, які не запісвае новыя песні і альбомы ужо 7 гадоў!
Вячаслаў Кміт — cпявак, які выконвае рэпертуар колішніх праектаў «Хмарачосы ў маіх крозах» і The Belarus Outfit, а таксама новыя песні. У сваёй творчасці даследуе шырокі дыяпазон тэм: ад усемагутнай роспачы да замілавання дзяцінствам.
Данііл Вашкевіч — рокер, віртуоз, атлет. У 9 гадоў быў узнагароджаны медалём «самы добры» ў 4 «В» клясе. Характар міралюбны, не жанаты.
Квіткі — 20 злотых, калі набудзеце загадзя, альбо 30 злотых на ўваходзе. Па рэзервацыю месца пішыце @jauvitan.
