Сольны канцэрт гурта “СТАРЫ ОЛЬСА”
15.11.2015
19:00 - 21:00
Палац культуры МАЗ (пр. Партызанскі, 117а)
Бясплатнае
Сольны канцэрт гурта сярэднявечнай музыкі “СТАРЫ ОЛЬСА” з праграмай “ГЕРАІЧНЫ ЭПАС ВЯЛІКАГА КНЯСТВА”.
Праграма “Гераічны эпас” прысвечана гісторыі Вялікага Княства Літоўскага, асноўным падзеям і асобным бітвам, рыцарскаму саслоўю і асяроддзю, жыццю тагачасных гарадоў. Магчымасць зазірнуць у душы князёў і гараджанаў, зразумець, чым яны жылі, за што змагаліся і што адчувалі. Падчас канцэрта прагучаць духоўныя, ваярскія, застольныя песні, гімны, балады, танцы Вялікага Княства Літоўскага.
“Стары Ольса” – адзін з галоўных прадстаўнікоў сучаснай беларускай музычнай сцэны ў медывальным накірунку. Назва гурта паходзтць ад ручая ў заходняй Магілёўшчыне. Стваральнік і кіраўнік гурта – Зміцер Сасноўскі.
У рэпертуары гурта беларускія народныя балады і ваярскія песні, творы беларускіх кампазітараў эпохі Рэнесансу, кампазіцыі з беларускіх зборнікаў прыдворнай музыкі (“Полацкі сшытак”, “Віленскі сшытак”), беларускія канты ХVI − пачатку XVII стагоддзяў, а таксама еўрапейскія папулярныя мелодыі эпохі Сярэднявечча і Рэнесансу.
Мэта – найбольш поўная (па магчымасці) рэканструкцыя музычных традыцый Вялікага Княства Літоўскага, асноўнай культурнай і геапалітычнай часткай якога ў XIII−XVIII стагоддзях была Беларусь. У Вялікім Княстве Літоўскім быў створаны ўнікальны сінтэз беларускай народнай і прыдворнай музыкі з еўрапейскімі музычнымі дасягненнямі. Дзеля адраджэння гэтай культурнай асаблівасці ўдзельнікі гурта спалучаюць гучанне старажытных беларускіх інструментаў і агульнаеўрапейскіх сярэднявечных інструментаў – лютні, рэбека, цыстры, флейты, арабскага барабана.
www.staryolsa.com
staryolsa.official@gmail.com
https://www.facebook.com/stary.olsa
https://vk.com/stary_olsa
КВІТКІ:
– ОНЛАЙН: ticketpro.by, kvitki.by
– ФІЗІЧНА – БЕЗ НАЦЭНКІ: касы ДК МАЗ, пераход ст.м. Плошча Я.Коласа
– КАСЫ ГОРАДА
ІНФАЛІНІЯ: +375 29 649 08 88, +375 29 851 77 06
Суполка мерапрыемства ў сацыяльных сетках: Вконтакте, Facebook
