Спеўны сход у Вільні

12.12.2024 19:00 - 21:00 Karčma 1863 (Bokšto g. 2) Бясплатнае

12 снежня ў «Карчме 1863» (Bokšto g. 2, Vilnius) пройдзе першы Спеўны сход. Тэма вечара — Карчомныя песні. Спецыяльным госцем стане музычная капэля «Ойра», а вядоўцам будзе Сяржук Доўгушаў — заснавальнік і натхняльнік праекта.


Падчас мерапрыемства адбудзецца прэзентацыя спеўніка «Бяседныя песні».

Дата: 12 снежня

Час: 19:00 (час мясцовы)

Месца: Karčma 1863 (Bokšto g. 2 01126, Vilnius)

Уваход вольны, данаты вітаюцца.

Грамадская ініцыятыва «Спеўны сход» была заснавана ў Беларусі ў 2014 годзе вядомым культурным дзеячам Сержуком Доўгушавым.

«Спеўныя сходы» аб’ядноўвалі дзясяткі і сотні людзей, якія збіраліся разам, каб паспяваць беларускія песні на розныя тэмы. Адбылося мноства тэматычных сходаў: песні з «Полацкага сшытка», рамансы Міхала Клеафаса Агінскага і Станіслава Манюшкі, песні першай і другой паловы XX стагоддзя, каляндарна-абрадавыя песні і іншыя.

Акрамя гэтага, былі арганізаваны спеўныя сходы, прысвечаныя творчасці «The Beatles», польскім, шведскім і габрэйскім песням. У 2018 годзе дзякуючы «Спеўнаму сходу» некалькі тысяч чалавек адначасова праспявалі «Купалінку». Ад пачатку заснавання «Спеўныя сходы» праводзіліся не толькі ў Мінску, але і ў іншых гарадах Беларусі — Брэсце, Віцебску, Гродне, Бабруйску, Вілейцы і Маладзечне.




Вам можа быць цікава

Выстава «Зорная восень» у Магілёве

05.09.2025 17:00 - 21.09.2025 19:00 музей гісторыі Магілёва, выставачная зала (вул. Болдзіна, 1)

Выстава Таццяны Маліноўскай-Рыбак «Жыццё шукаць у колеры» ў Мінску

17.09.2025 19:00 - 14.10.2025 19:00 «Грузінскі дом» (вул. Куйбышава, 48)

Майстар-класы традыцыйнага спеву «Песні Беласточчыны» ў Беластоку

20.09.2025 11:00 - 21.09.2025 16:00 сядзіба Беларускага Грамадска-Культурнага Таварыства (вул. Варшаўская, 11)

NAVIBAND у Беластоку

17.10.2025 (20:00 - 22:00) 6-Ścian PUB (Warszawska 34)

Апошняе
на Budzma.org

чытаць яшчэ