У сераду, 24 ліпеня, тэатральны праект «Блукаючыя» запрашае на прэм’еру псіхадэлічнага спектакля «Блукаючыя агні».
Дата: 24 ліпеня
Час: 19.00 (час мясцовы)
Месца: Зала «Vileišio18N», P. Vileišio g. 18N (2 паверх), Вільня
У псіхіятрычнай лякарні воляю лёсу апынуліся 6 рознахарактарных герояў: доктар Аліцэя і яе пяцёра пацыентаў. Хто яны і чаму апынуліся ў адным месцы?
«Блукаючыя агні» — містыка-псіхалагічны трылер, прасякнуты пошукам сапраўдных прычын эмацыйных перажыванняў герояў.
Тут ёсць месца для ўзвышанага чыстага кахання і рамантыкі, юрлівасці і фанабэрыі, страху і роспачы, лютасці і гневу, пачуццю віны і гору страты.
Працягласць спектакля — 1 гадзіна.
Аўтар — Дзімітрый Нетутэйшы.
Рэжысёрка — Наталля Лявонава.
Тэатральны праект «Блукаючыя» — каманда, аб’яднаная любоўю да сцэны і лёсам змушанай міграцыі з Беларусі і Украіны па палітычных матывах.
Уваход — данаты.
Рэгіструйцеся па спасылцы.
