(на малой сцэне КЗ “Мінск”, вул. Кастрычніцкая, 5)
Інгрыд Лаўзунд
Пяцёра службоўцаў у прыёмнай свайго шэфа. Яны набраліся мужнасці і ўжо гатовыя накіравацца проста ў логава драпежнага звера – пакой іх начальніка. Жадаючы пакінуць па сабе добрае ўражанне, яны доўга прадумвалі кожнае сваё слова, якое можа прагучаць там, за дзвярыма. У выніку доўгіх начных рэпетыцый перад люстэркам яны навучыліся па-мастацку хістаць галавой у нервовым запале і ігнараваць прысутнасць сваіх калегаў. З’яўленне перад босам было прадумана да самых дробязяў: ад паставы да інтанацыі – усё распісана як па нотах. Галоўнае – нічога не пераблытаць. І калі супрацоўнікі адзін за адным пакідаюць офіс, нарэшце становіцца зразумела, што ўсё прайшло ідэальна. Альбо не ўсё… Альбо не ідэальна… Адкуль тады нож у спіне? І галава пад пахай?
У спектаклі занятыя: Святлана Анікей, Арцём Бародзіч, Дзмітрый Есяневіч, Міхаіл Зуй, Аляксандр Малчанаў, Сяргей Рудзеня, Вольга Скварцова, Павел Харланчук, Ганна Хітрык, Вікторыя Чаўлытка.
Сцэнаграфія і касцюмы Алены Ігрушы
– Рэжысёр: Кацярына Аверкава
– Прэм’ера: 27 ліпеня 2010 г.
– Працяг: 2 гадзіны
