У суботу, 2 лістапада, «Казачкі бай!» пакажуць у Варшаве «Страшную казку» — інтэрактыўную гісторыю з жывой музыкай для маленькіх і вялікіх гледачоў паводле казкі Івана Бурсава «Страшная казка пра страшнага звера».
Дата і час: 2 лістапада ў 18.00
Месца: Michelle Community Cafe, ul. Grochowska, 282, Варшава
Гэта загадкавая гісторыя, якая расказваецца праз тэатр камісібай (від японскага папяровага тэатру).
Гісторыя пра цёмную-найцямнейшую цёмнач, у якой уяўленне можа дамаляваць усё што заўгодна. Напрыканцы будзе майстар-клас для дзетак ад 5 гадкоў.
Прапануюць разам зазірнуць у самыя старажытныя куфры і сямыя старыя шафы, каб даведацца што там схавана — ці жывуць там монстры і пачвары, ці, можа, там схаваны нейкі скарб?!
Малюнкі — Вераніка Чайка.
Чытаюць, агучваюць і паказваюць Алена Гіранок і Наталля Леванава.
Мова паказу — беларуская.
Квіткі — 30 злотых. Рэгіструйцеся па спасылцы.
