У наступны аўторак, 20 лютага, у Варшаве граюць спектакль беларускага рэжысёра Юры Дзівакова «Трывога прыходзіць на змярканні» паводле рамана Лукаса Рэйневельда «Марыека».
Дата: 20 лютага
Час: 19.00 (час мясцовы)
Месца: Big Book Cafe MDM, ul. Koszykowa 34/50, Варшава
Дзяўчына і яе блізкія не могуць перажыць смерці і страты. Дзіця раптам вымушана пасталець. Маленькая сям’я, разбітая вялікай траўмай. Калі яны надзенуць браню, яна абароніць іх ці зняволіць назаўжды?
З віртуознага раманнага дэбюту нідэрландскага пісьменніка, самага маладога лаўрэата ў гісторыі Міжнароднай Букераўскай прэміі, мастакі выцягваюць непадцэнзурную шчырасць дзіцячай мовы.
Галоўную ролю выконвае Наталля Лангэ.
Рэжысура — Юры Дзівакоў
Кампазітар — Эрык Арлоў-Сімкус
Квіткі коштам 50 злотых звычайны і 35 злотых ільготны бярыце па спасылцы.
