Спектакль «Жаніцьба» Ў рамках праекта # гогальперспектыва

Нацыянальны мастацкі музей сумесна з тэатрам-студыяй “Адкрытая прастора” ў рамках праграмы # гогальперспектыва запрашаюць на спектакль «Жаніцьба» паводле п’есы Мікалая Васільевіча Гогаля «Жаніцьба, або Зусім неверагодная падзея ў дзвюх дзеях».

Спектакль “Жаніцьба” – гэта класічная п’еса ў сучаснай апрацоўцы, якая здзівіць гарманічным спалучэннем даўно вядомага сюжэта XIX стагоддзя і сучаснай музыкі, касцюмамі і імправізацыйнымі рашэннямі. «Жаніцьба» – гэта назіранне за вытанчана наладжаным сном, што прысвечаны жаху сямейнага жыцця. Сцэнаграфія спектакля – мінімальная, але з яркімі элементамі, якія б’юць у вочы. Гэты спектакль на дзіва просты і адначасова складаны, як і ўсе эмоцыі, што мы перажываем. А затрымаюць вашу ўвагу таямнічыя хады, мноства дэталяў і кактэйль пачуццяў, якія вы зведаеце.

Пастаноўка на дзве дзеі адбудзецца 03.02.2018 а 20-й гадзіне па адрасе: вул. Леніна, 20. Рэжысёр-пастаноўшчык Данііл Філіповіч.

Кошт уваходнага білета:

дарослыя – 6 руб.

школьнікі, студэнты дзённай формы навучання – 3 руб.

Узроставае абмежаванне 14+

Колькасць глядзельных месцаў абмежаваная, таму спяшайцеся забраніраваць месцы па тэлефоне: +375291145341 – Ксенія

або ў гугл форме.