13 мая 2017 года (субота) Нацыянальны мастацкі музей Рэспублікі Беларусь запрашае ўсіх жадаючых стаць часткай незабыўнай падзеі “Ствары сваю Карэю: свята для дарослых і дзяцей”. Дарослыя і дзеці ў гэты дзень патрапяць не проста ў музей, а паглыбяцца ў нязведаны, загадкавы і крыху казачны свет Краіны ранішняй свежасці, цудоўнай Карэі.
Свята збярэ разам тых, хто ўжо ведае Карэю, глядзіць карэйскае кіно, вывучае карэйскую мову, а таксама тых, хто не ведае нічога пра Карэю, але прыйдзе ў гэты дзень у музей адзін, з дзецьмі або сябрамі і адкрые для сябе традыцыі і багатую культуру гэтай краіны.
У насычанай праграме:
Зрабі першыя крокі ў свет хангыля
- Упрыгож ханбок у стылі хангыль
- Стань фэшн-дызайнерам і зрабі фота на памяць
- Пагуляй! Карэйская гульня ЮТ
- Дакраніся да хангыля
- Ствары свой уласны дызайн ханбока
- Паўдзельнічай у конкурсе пісьма на хангылі*
- Адкрый прыгажосць карэйскай музыкі і танца
Падарыце сабе, сваёй сям’і і сябрам незабыўны выхадны ў галоўным музеі краіны!
Пачатак праграмы а 13-й гадзіне.
Толькі для гасцей акцыі прадугледжаны спецыяльны кошт білетаў: 2 р. 50 к. Білеты будуць даступныя ў продажы толькі 13 мая з 12.00 да 13.00.
Больш падрабязную інфармацыю можна атрымаць па тэлефонах: 220-22-87 (сектар маркетынгу), 327-45-62 (сектар інтэрактыўных праграм).
*Запіс на ўдзел у конкурсе пісьма на хангылі па тэл. 327-45-62. Пераможца будзе мець права на паступленне ў Мінскі Інстытут караля Седжона
