У суботу, 18 лістапада, у філіяле Веткаўскага музея — файныя супольныя спеўкі «Школкі традыцыйных спеваў».
Дата: 18 лістапада
Час: 13.00 (час мясцовы)
Месца: філіял Веткаўскага музея, плошча Леніна, 4а, Гомель
Тут рыхтуюцца да Кудзельнай этнавечарыны, якая адбудзецца праз тыдзень — то будуць развучваць тэматычныя абрадавыя песні.
А яшчэ, супольныя спеўкі — выдатная магчымасць паспяваць усім разам.
На такіх занятках няма гледачоў — усе ўдзельнікі і спяваюць разам. Не важна, ці ўмееце вы спяваць, ці ведаеце песні.
Перад тым, як заспяваць, на занятках адбываецца пэўная галасавая і дыхальная гімнастыка. Такая размінка ды спевы ў народнай манеры — шыкоўна аздараўляе і голас, і арганізм у цэлым.
Проста прыходзьце і прыводзьце сяброў!
Уваход вольны!
