У чацвер, 15 чэрвеня, у Гданьску адбудзецца першая супольная спеўка хору «Пташка», які ладзяць Саша Мацюхова і Вольга Гаховіч.
Дата: 15 чэрвеня
Час: 18.00 (час мясцовы)
Месца: офіс БКТ «Хатка», ul. Miszewskiego 17/307, Гданьск
Тут будуць працаваць з дыханнем, вучыцца адчуваць, што спяваюць не толькі звязкі, але і ўсё цела, вучыцца чуць сябе і харавых суседзяў. І яшчэ — будаваць ўзаемадзеянне так, каб усе адчувалі сябе ў камфортным асяроддзі, дзе можна спяваць, танчыць, дурэць, проста быць і не баяцца, што цябе не зразумеюць.
Калі вы заўсёды думалі, што зусім не ўмееце спяваць, то не спяшайцеся хвалявацца! Гэты хор — для ўсіх!
Выкладчыцы:
Саша Мацюхова — спявачка, салістка харавых калектываў;
Вольга Гаховіч — піяністка, педагог.
Па запіс і падрабязнасці пішыце спадарыні Сашы ў дырэкт.
