У наступную суботу, 24 студзеня, у Нацыянальным цэнтры сучасных мастацтваў адбудзецца творчая сустрэча з Кацярынай Гліністай, сучаснай беларускай пісьменніцай, якая працуе ў жанрах фэнтэзі і навуковай фантастыкі, аўтаркай рамана Калыханка для Мінска.
Мінск — горад шумны, заняты, як і належыць сталіцы. Але ёсць у ім людзі, якім дазволена бачыць іншы, унутраны яго бок — Падсвецце, месца, дзе жывуць казкі, паданні і гарадское чараўніцтва.
Малады маг-абярэжнік Максім — з тых, хто сочыць за захаваннем мяжы паміж звыклым і тагасветным.
Вас чакаюць:
сустрэча з аўтаркай;
чароўная атмасфера і знаёмства з таямніцамі сталіцы;
розыгрыш прызоў і аўтограф-сэсія;
прагляд экспазіцыі з калекцыі НЦСМ і выставы Вечна зялёнае.
Звярніце ўвагу: кнігі аўтаркі на сустрэчы прадавацца НЕ БУДУЦЬ, калі ласка, для подпісу набывайце іх загадзя.
Квіткі — 25 рублёў (прагляд экспазіцыі ўключаны ў кошт). Рэгіструйцеся па спасылцы.
Альбо набывайце электронны квіток.