Творчая сустрэча з пісьменніцай Надзеяй Ясмінска ў Мінску
Пачатак: 20.03 (16:00)Канец: 20.03 (18:00)
Кавярня над Нямігай
20 сакавіка ў «Кавярні над Нямігай» адбудзецца сустрэча з дзіцячай пісьменніцай Надзеяй Ясмінска і мастачкай Святланай Міхалап, аўтаркамі свежай кнігі пра Кусь-Кусяндру ды іншых дзіцячых казак.
Дата: 20 сакавіка
Час: 16.00
Месца: «Кавярня над Нямігай», ГК «Метраполь» (3 паверх), вул. Няміга, 5, Мінск
Хто такая Кусь-Кусяндра і адкуль яна? Навошта ёй вострыя капцюры? І чаму яе проста распірае ад злосці?
Пра гэта вы даведаецеся ад аўтарак на сустрэчы. Іх творчы саюз працягвае ствараць дзіцячыя кніжкі пра забаўных утульных монстраў, звязаных з пачуццямі і эмоцыямі.
Падчас сустрэчы можна будзе пазнаёміцца з Кусяндрай бліжэй, паслухаць яе гісторыю, паглядзець арыгіналы малюнкаў для кнігі і зразумець галоўнае: «Кусь альбо не кусь?».
Калі вы яшчэ не набылі кнігу, яе можна будзе набыць на імпрэзе з аўтографамі аўтарак.
Таксама удзельнікаў чакае гульнятэка па-беларуску з аўтаркай праекту «Скарбонка гульняў» Наталляй Галко.
Сюрпрызы і добры настрой гарантуюцца.
