Сустрэча з пісьменніцай Ганнай Янкутай у Варшаве

У панядзелак, 12 чэрвеня, польскі ПЭН-клуб запрашае на сустрэчу з пісьменніцай і перакладчыцай Ганнай Янкутай.

---

Дата: 12 чэрвеня

Час: 18.00 (час мясцовы)

Месца: Dom Literatury, Krakowskie Przedmieście 87/89, Варшава

У цэнтры ўвагі — зборнік вершаў «Канстытуцыя/Геалогія», выдадзены ў 2022 годзе. Гэта канцэптуальная кніга, напісаная на палях беларускай канстытуцыі, — адзін з самых удалых і нечаканых дэбютаў у беларускай сучаснай паэзіі. З цэнзурных меркаванняў яна існуе ў двух відах — з рознымі вокладкамі і назвамі.

Пра метафары, якія дазваляюць злучыць такія далёкія сферы, як паэзія і канстытуцыя, і пра беларускі «застылы час» і пагавораць з аўтаркай.

Сустрэча адбудзецца на польскай мове.

Уваход вольны.