Сустрэча з прадстаўнікамі кампаніі “Будзьма беларусамі!” у Слоніме

11.04.2017 17:30 - 17:30 Слонім, Кафэ “101 паверх” (вул. Чырвонаармейская, 25 (у будынку РДК)) Уваход вольны

Культурнае жыццё павінна быць цікавым! Гэта магчыма толькі тады, калі яно разнастайнае, у ім адлюстраваныя інтарэсы розных супольнасцяў, а жыхары з’яўляюцца актыўнымі ўдзельнікамі працэсу.

Кампанія “Будзьма беларусамі!” з 2013 году па ўсёй краіне ладзіць “Кірмашы праектаў” — адмысловыя публічныя прэзентацыі, дзе прадстаўляюць свае рэалізаваныя альбо запланаваныя праекты таленавітыя, прадпрымальныя, актыўныя людзі, неабыякавыя да культуры свайго горада і гатовыя яе палепшыць.

Удзельнічаць у конкурсе можа любы ахвочы незалежна ад статусу і ўзросту. Дастаткова падаць заяўку і апісаць ідэю, якая ідзе на карысць гораду і яго жыхарам.

За час правядзення Кірмашоў праекты тычыліся наступных тэмаў: музыка, выяўленчае і сцэнічныя мастацтвы, літаратура, архітэктура, культура зносін і камунікацый, сацыяльная адказнасць бізнэсу, свядомае спажывецтва, культура стаўлення да сталых людзей, выхаванне дзяцей, экалогія, этнаграфія, культура памяці, турызм, спорт, культура адпачынку, гарадское асяроддзе, правы і самарэалізацыя людзей з асаблівасцямі, дабрачыннасць, гарадская міфалогія, культура 3.0.

Мы верым, што Слонім багаты не толькі на помнікі гісторыі, але і крэатыўныя ідэі жыхароў!

Запрашаем усіх цікаўных пазнаёміцца з намі асабіста і паразмаўляць пра:

-Для чаго мы гэта робім?

-Якімі поспехамі мы ганарымся?

-Якія цяжкасці сталі для нас добрым урокам?

-Што рабіць, калі ёсць ідэя, якую хочацца рэалізаваць?

-І самае папулярнае пытанне: ШТО МНЕ ЗА ГЭТА БУДЗЕ?

11 красавіка

Пачатак: 17.30

Кафэ “101 паверх”, вул. Чырвонаармейская, 25 (у будынку РДК)

Уваход вольны.

 


Вам можа быць цікава

Фэст «Дукорская брама» ў Дукоры

13.07.2025 (13:00 - 19:00) Дукорскі маёнтак (вул. Школьная, 12)

Андрусь Такінданг ва Уроцлаве

16.07.2025 (20:00 - 22:00) Grunge Barbershop (Wesoła 40)

Фестываль «Наш Грунвальд-2025» у Дудутках

19.07.2025 11:00 - 20.07.2025 17:00 музейны комплекс «Дудуткі»

Апошняе
на Budzma.org

чытаць яшчэ